31Oct/060
小孩子的可愛傻話
以為只會在網上傳來傳去時才會見到... 當親耳聽到這些說話時都真係幾好笑架~~~
爸爸對小兒道：「拿，衣個就係陳叔叔喇，叫人啦！」
小兒對爸爸說：「塵叔叔係咪個身有好多塵要用吸塵機吸架？哈哈哈！！」
究竟係可愛還是 "un" 皮呢？哈！
30Oct/060
Air New Zealand Coffin
近日每次行經銅鑼灣地鐵月台都會見到一個死得好安祥既女人瞓左o係具棺材入面，早幾日終於都按捺不住的停了下來看看那 adv. 的內容。
好似係 Air New Zealand sell 緊家下搭飛機可以有唔知幾呎幾吋既空間瞓覺咁... 個 adv. 可以俾到個咁既 1st impression 我，未知係成功定失敗呢... 哈！
btw. 原來連電車都有衣個 adv.，或者大家可以留以下喇...
16Oct/060
令我會心微笑的一句說話
一清早我帶著疲累的心靈去上班，走出大廈門口，在前往巴士站必經的隧道裡我看見一對母女，母親正帶著女兒上幼稚園去。
她們正走在我的前方，步伐較慢，當我正要越過她們之際，聽到女兒用著那天真可愛的聲線問媽媽說：「係咪返埋今日就放假喇媽咪?」
媽媽答道：「你發夢發得太早喇！今日只係星期一 jar！」
不知為何，這個簡單的對答令我放鬆了很多，打從心底的笑了出來，那當然她們是看不見啦，哈哈！
人生出來，自懂事開始就是每天等待著休假嗎？！
你喜歡你的校園生活嗎？
你喜歡你的工作嗎？
熱誠往那裡去了呢？
